Per chiusa de un garanghelo in campagna

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
III. Per chiusa de un garanghelo in campagna
1886
←  II. El carneval de Venezia Edission e fonte ▼ IV. Filantropia!  →
[p. 31 modifica]
III.


PER CHIUSA DE UN GARANGHÉLO1
DE VILEGIANTI IN CAMPAGNA

[p. 33 modifica]

Dame e lustrissimi!..
Se le permete,
Vorave dirghe
4Do parolete.

Se anca son picolo,
Nè go l'età
De tanti Nestori
8Che ghe xe quà,

L'è un scherzo semplice
De la natura,
Che no se imbrogia
12Co la figura.

[p. 34 modifica]


El xe anca el pèvare2
Un gran da gnente;
Ma se el se mastega,
16Chi no lo sente?

Za, le se imagina
Quel che ò da dir:
Saludar tuti,
20E po finir.

Prima ringrazio,
(Che za se sa,)
I ecelentissimi
24Che n'à invidà:

E po i cantanti
E i sonadori,
Che tanto spasso
28Ga dà a sti siori;

E po fra i altri
Vegnindo al fin,
Quela gran machia3
32De Ragusin:

[p. 35 modifica]


E po in un muchio,
Perchè i xe tanti,
Tuta la fragia4
36Dei vilegianti:

E po saludo,
Per civiltà,
Tuti i foresti
40Che n'à grazià.

Ma al vechio Anchise,
In ponta al naso
Me sento un rèfolo
44De darghe un baso;

Pregando el cielo
Proprio de cuor,
Che el ghe moltiplica
48Sto bon umor;

E che el ghe manda
Fra i so matezzi
Vita, giudizio,
52Salute e bezzi;

[p. 36 modifica]


E che un altr'ano
Co sta alegrìa
Possa revedarse
56La compagnia.



Note a cura de l'autor
  1. garanghèlo — desinare di amichevole brigata.
  2. pèvare — pepe.
  3. machia — tomo, bell'umore, originale ecc.
  4. fragia — brigata sollazzevole, o di stravizzo; compagnia di buontemponi. Storicamente poi, è corporazione d'arte o mestiere: dal basso latino fratàlea, fratria, fraterna.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Per_chiusa_de_un_garanghelo_in_campagna&oldid=42631"