Fà 'na leze el Senato Venezian

by Giorgio Baffo

3 Fà 'na leze el Senato Venezian Raccolta universale delle opere di Giorgio Baffo Tomo IV L'è stada in fatti ispirazion divina Roma no gà più azion de reclamar Giorgio Baffo 1789 XVIII Poesie

Indice:Raccolta universale delle opere di Giorgio Baffo 4.djvu

Giorgio Baffo ―  Raccolta universale delle opere di Giorgio Baffo  ―  Tomo IV

Fà 'na leze el Senato Venezian

1789

Edission original:	Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789
Fonte:	Indice:Raccolta universale delle opere di Giorgio Baffo 4.djvu

←  L'è stada in fatti ispirazion divina

Edission e fonte ▼

Roma no gà più azion de reclamar  →

RICCORSO DEI FRATI PER LA RIFFORMA SEGUITA.

SONETTO

Fà 'na leze el Senato Venezian,
    E giusta, e sacrosanta, e benedetta,
    Che dà regola ai Frati d'ogni setta
    4A viver un pò più da bon Cristian.

Gà parso all'Assemblea del Vatican,
    Co i gà visto stampada la ricetta,
    Che la sìa zà 'na cosa maledetta,
    8E dettada sul Stil dell'Alcoran.

I xe riccorsi dal Papa i Generali
    Colle lagreme ai occhj singhiozzando
    11Scortai dai Protettori Gardenali;

E i hà ditto, Padre santo, e venerando,
    Alla fè, co ne manca i cossi zali,
    Nù andemo per el Mondo pittocando.
                        15Ah! Che un vostro comando

Una Bolla de quelle peverine,
    Oppur qualche sentenze Tridentine
                        18A quelle Teste fine

Ghe farà muar quel Diavolo d'idea
    Ch'ai Frati gà promosso la Diarea,
                        21E, se no i vien a mea,

Podè co' na Scomunica, o Interdetto
    Far, che no gabbia mai d'aver effetto
                        24Quel barbaro Decretto.

Responde 'l Papa; Voi anca acconsentir,
    E co dolcezza li farò ammonir;
                        27Ma hò sempre sentìo a dir,

Che, co 'l Venezian puza 'l Cul al muro,
    El se lassa schizzar, ma lù tien duro.