L'è stada in fatti ispirazion divina
L'è stada in fatti ispirazion divina
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Se xe stà i nostri vecchj cussì boni | Edission e fonte ▼ | Fà 'na leze el Senato Venezian → |
PER BEN RIFFORMAR I FRATI.
SONETTO
L'è stada in fatti ispirazion divina,
Mazor Consegio nostro bon Sovran,
Che pensè a tamisar con regia man
4La corrotta Monastica farina.
Settanta mille gà Santa Giustina
Ducati d'annua rendita a far pian,
E questi solo serve a far baccan
8In fabbriche, livree, Stalle, e Cusina.
Donè de Correzola i ricavati
All'Ospeal, donè Legnaro a tanti
11Poveri fioi de contrabbando nati;
Masserà regalelo ai Mendicanti,
E allora sì, Becchifottui de Frati,
14Tutti sti campi i chiamerò Prà santi.