El palo

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
El palo
1857-58
←  La grazia Edission e fonte ▼ La predica  →


[p. 39 modifica]
EL PALO.


Do zoveni insolenti
     Trovandose presenti
     Nel mumento
     Che un frate capucin
     5Su la porta pusà del so convento,
     Vardava un contadin,
     Che gera drio a impiantar
     De là del fosso,
     No so percossa far,
     10Un palo longo e grosso
     Imensamente;
     Fra lori concertai
     Del frate i ghe ze andai
     Tuti do arente,
     15E in ton de cogionelo,
     Cavandose 'l capelo,

[p. 40 modifica]

     Ga fato un prostinò
     Con cargadura e po
     Ga domandà,
     20— Lo vedela quel palo che ze là! —
El frate povareto,
     Quantunque navegà,
     Nol gera entrà in sospeto,
     Nol s'aveva pensà,
     25Che l'interogazion
     Gavesse un fin baron,
     E in piena bona fede
     Ghe dise che 'l lo vede.
Quei mascalzoni alora,
     30Credendo aver da far con un pandolo,
     D'acordo i salta fora,
     — Con ela me consolo
     Per quela gran rason,
     La scusa l'espression,
     35Che se la lo gavesse dadriovia
     No la lo vedaria —
Ofeso e stomegà de sta indecenza
     El padre capucin no se confonde,
     E co la più decisa indiferenza
     40Senza pensarghe suso el ghe risponde:
     — Sarà quel che le dise, ma no credo,
     Perchè mi le go in culo epur le vedo. —

[p. 41 modifica]



Le figure barone,
     I prepotenti,
     45Che insulta le persone
     Co parole indecenti,
     Merita de trovar chi ghe risponda
     In modo che li oltragia e li confonda.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_palo&oldid=39229"