La predica

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
La predica
1857-58
←  El palo Edission e fonte ▼ Fra Giocondo  →


[p. 42 modifica]
LA PREDICA.


In Chiesa a san Simon,
     Otant'ani sarà,
     Un degno sacerdote, un talenton,
     Su l'amor coniugal ga predicà
     5Dando con vari esempi
     Da vedèr
     Come che in tuti i tempi
     Una trista muger
     In oltragio del santo matrimonio
     10Fa che 'l mario più bon,
     Che un deciso paston
     Para un demonio;
     E basandose a testi de Scritura,
     Che l'aveva imparà,
     15Sto assunto l'à provà
     Co una bravura,

[p. 43 modifica]

     Co una tal evidenza
     Da cavarghe le lagreme a l'udienza,
     E da produr l'efeto,
     20Le creda o no le creda,
     Che da qualche brutissimo difeto
     Diverse maridae le se raveda.
Certa siora Crestina,
     Che la predica atenta aveva intesa,
     25Deventada dai scrupoli chietina,
     Da là do zorni ze tornada in Chiesa,
     Forsi per pregar Dio
     Che 'l la conserva onesta,
     E che 'l vogia tegnirghe a so mario
     30Le man sora la testa;
     E quando vicin d'ela
     Menando la cassela
     Ze stà Carlo Baronzolo
     Alora primo nonzolo,
     35Aludendo a la predica sentia
     Che gaveva ferio la fantasia,
     Senza per gran modestia mai vardarlo,
     La ga esclamà — sior Carlo,
     Che predica de sesto l'altro dì! —
     40E lu — no vorla, l'ò sonada mi. —

[p. 44 modifica]



L'ignorante ze 'l ritrato
     De la mosca, che montada
     Su l'aratro, dal mossato
     Che l'à vista interogada
     45Cossa a far la gera là,
     Con un ton de gravità
     Ga risposto — il mio pandolo,
     Non lo vedi, ariamo il suolo.—

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_predica&oldid=39346"