Delle volte me passa per la mente

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 114 modifica]
CERTA ESISTENZA DELL'OMO.


SONETTO


Delle volte me passa per la mente,
    Come anca un dì ghe xe passà a Piron,
    Ch'ogni cosa sia un'ombra, un'illusion,
    4E che mi stesso al Mondo no sia gnente;

Ma dopo con Carcesio francamente
    Fazzo anca mi la mia argomentazion,
    E digo; penso, donca mi ghe son,
    8E con mi ghe xe tutta l'altra zente;

Sto filosofo in fatti ha dito ben,
    Nè occorre farghe suso altro comento,
    11Che a chi no ghè 'l pensar no s'appartien.

Mi vago avanti, e cresso l'argomento,
    Che non solo ghe son, ma stago ben,
    14Quando in Mona, o nel Cul mi ghe son drento.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Delle_volte_me_passa_per_la_mente&oldid=45574"