Amor de Sèleghe
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← Per un baso | Edission e fonte ▼ | La notte dei Morti → |
Amor de Séleghe
Lu gera un bel mas-cioto, svelto, ardìo,
come portava la so bela età;
ela, po su po zo, de poco indrio,
la se gavea de colpo inamorà.
Quanto che sia andà 'vanti fra de lori
quel inocente e pur bestial amor,
dirve no savaria, so che i do cuori
s'aveva trasformà in t'un solo cuor.
Un dì che par goder più libartà
i gera andai là in alto a smorosar
sul gornison de casa, no se sà
se gelosia la fusse o che altro afar;
el fato stà che tuti do inbrassai,
l'ò visti a cascar zo tuto d'un trato;
e quel amor che me l'aveva orbai,
ga procurà el disnar.... par el mio gato.