La notte dei Morti
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← Amor de Sèleghe | Edission e fonte ▼ | Cossa che xe l'invidia → |
La notte dei Morti
Xe mesanote giusta; el tetro son
de 'na campana me ribate in cuor,
dàndome 'na tal pena e un tal dolor
che esprimar mi, dasseno, no so bon.
E pianzo, sì, pardia, no da timor,
ma da una gran pietà, da compassion;
e el pianto mio, tuta la me opression
xe fioi legitimi de un santo amor.
Defati chi sentir no pol afeto
al sol pensier che par vèdarne forti
a mile, a mile i nostri eroi xe morti?
Oh si, pianzè creature! E se dal peto
l'amor del prossimo no avè bandio,
mandarghe ai pori morti un caro adio.