Ah! Preti, e Frati, Aneme buzarone
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← No me posso tegnir; una ruffiana | Edission e fonte ▼ | Correa per un Salon → |
Ah! Preti, e Frati, Aneme buzarone,
Anemalazzi sporchi, Bestie immonde,
Finti ipocriti; zà no se nasconde,
4Che sè fioi de Beccazzi, e Puttanone.
Da per tutto ve ficchè, in ogni buso,
Per veder, se trovè zente cogiona
Per buzararghe 'l Cul, oppur la Mona;
8In questo sè perfetti, e avè gran muso.
Sè avari, truffadori, e gran bricconi,
Porcazzonazzi in grassa tondi, e fati,
Sè tutti Birbe buzaradi Frati,
12Ziogador, Puttanieri, e Crapuloni.
Poltroni, scandalosi, e sodomiti,
Fottidori, spioni, superbi, e ladri
Tutti, quanti che sè, Conversi, e Padri;
16Fuogo ghe vuol ai vostri gran deliti.
Mo, per Dìo! xe possibile, che Cristo
No veda le gran buzare, che fè?
Scandalizà mi resto, sì alla fè,
20In veder, che co un operar sì tristo
Tanto felice vù passè sta vita;
Ma no ve dubitè, no fallo a creder,
Ch'un qualche dì me toccarà de veder
24Castigada sta razza fatta, e dita.