Zonti del fiume Lete in sulla sponda

by Giorgio Baffo

3 Zonti del fiume Lete in sulla sponda Raccolta universale delle opere di Giorgio Baffo Tomo III In un paese Compare el mio Cotal me l'hà ficada Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Zonti del fiume Lete in sulla sponda

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  In un paese

Edission e fonte ▼

Compare el mio Cotal me l'hà ficada  →

PER UN DOSE ANDÀ IN MALORA.

SONETTO

Zonti del fiume Lete in sulla sponda
    Do gran soggetti, un Cavalier, e un Dose,
    Un pien de bezzi, l'altro pien de nose,
    4Un colla testa quadra, e l'altro tonda.

Quel, ch'aveva 'na mente alta, e proffonda,
    Come, ch'avanti l'hà portà la Crose,
    El chiamava Caronte ad alta vose,
    8Nè s'hà trovà gnessun, che ghe risponda.

Xe vegnù 'l Cavalier; Caronte allora
    Subito xe arrivà col battelletto,
    11E interrogà, perchè l'è stà fin'ora;

No son vegnù, l'hà dito netto, e schietto,
    Perchè savea, che 'l Dose xe in malora,
    14Che nol gaveva da passar traghetto.