Xe tanto mai che penso per trovar

by Gian Giacomo Mazzolà

3 LI I cavei de Nina L LII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LI

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  L

Edission e fonte ▼

LII  →

LI

Xe tanto mai che penso per trovar
     Se ghe fusse qualcossa su sto mondo,
     Che dei Cavei de Nina al raro biondo
     4Col so color podesse somegiar.

Lassa pur far a mi a fantasticar,
     E a farghe proprio su studio profondo,
     E pur co tuto questo, no me scondo,
     8Mi no la go savesta mai catar.

Me par ogni confronto assae lontan,
     Vedo che l'oro a l'ambra no ghe pol,
     11Nè ga gnente a che far pagia e zafran;

Vago più avanti, e a paragon ghe meto
     I luminosi e bei ragi del Sol,
     14E anca queli me par che i sia pocheto.