Se a sta Drezza, cressua per tormentarme

by Gian Giacomo Mazzolà

3 L I cavei de Nina XLIX LI Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

L

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XLIX

Edission e fonte ▼

LI  →

L

Se a sta Drezza, cressua per tormentarme,
     El dì intiero pensando e peno e ranco,
     La me lassasse, co xe note almanco,
     4Qualche per d'ore quieto repossarme!

Ma o che smanio, o che tendo a smissiolarme
     Ora sul brazzo dreto, ora sul zanco,
     O che se dormo, tach, a muso franco
     8La cor de sbalzo i soni a desturbarme.

Quante volte de lagreme bombà
     Tuto ò catà el cussin! Oh Dio co spesso
     11In ato de zigar m'ò desmissià!

Per sbrio, che co' me meto a far reflesso
     Al me stato, e a sta Coa senza pietà,
     14Pecà proprio me fazzo mi a mi stesso.