Vostro fradello ancuò Procurator

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 240 modifica]
AL MEDESIMO.


SONETTO


Vostro fradello ancuò Procurator,
    Che no hà fatto l'ingresso, e nol farà,
    Co'l giera alla bestemmia Esecutor,
    4Hà proibìo, che se nua per la Città.

Vù Papa a forza d'oro deventà
    Con fanatico zelo, anzi furor,
    Ai più bei resti dell'antichità
    8De batter vìa l'Osello avè buo cuor.

Ch'odio è mai questo con el membro uman?
    Chiettini strambi tutti do! Che sorte
    11De pensar miserabile, e villan!

In vece de ste idee cogione, e storte,
    Sarìa meggio aver cuor più Venezian,
    14E sentir per la Patria amor più forte.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Vostro_fradello_ancuò_Procurator&oldid=45947"