Cosa fà tanta zente col martello
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Deventà Papa 'l vostro gobbo appena | Edission e fonte ▼ | Vostro fradello ancuò Procurator → |
Cosa fà tanta zente col martello,
Che và de Roma per la gran Cittae?
Un me risponde, el xe so Santitae,
4Che fà alle Statue batter via l'Osello,
Mi ghe digo, che colpa mai gà quello,
Cosa mai puorlo far de baronae?
Mi me par, che le sia tutte cagae,
8Che, per Dìo, no le fà gnanca un Puttello.
Dirà, chi de giudizio no xe privo,
Se sto senso ghe fà un Cazzo de piera,
11Che senso ghe farìa un Cazzo vivo?
Se pò desfar lù crede in sta maniera
Tutti i Cotali; a dirghe no me schivo,
14Ghe ne sarà, sin che lù vive, in tera.