Villa Paradiso

by Giovanni Ceriotto

Giovanni Ceriotto ―  Poesie veronesi

Villa Paradiso

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  Vecio molin

Edission e fonte ▼

Le rime de novembre  →

Ad Azzino Azzini.

Villa Paradiso^[1]

     L'à là che la te guarda el bel vestito
del gran lago de Garda che inamora,
che no i sa se sia stada 'na sartora
o un gran sartor che l'à imbastì pulito.

     L'è insima a un montesel che te tra fora
un serto sbisegar che dise: sito!^[2]
dove passa i osei ma i tira drito
par la paura de dormirghe sora.

     Dove nasse un pensier ma pò 'l se perde
guardando case e campanili sconti,
guardando el lago che 'l se specia i monti,

     dove in meso a quel bocolo de verde,
no manca puta^[3] che te guarda in viso:
qualche bionda cascà dal paradiso!

---

Note

1. Vila Paradiso: Villa sulla riviera veronese del Lago di Garda, in quel di Bardolino
2. sito: silenzio
3. puta: ragazza