Ventiquattro Odi Scelte di Orazio Flacco/02

by Pietro Bussolin

ODE XII. LIBRO IV. ODE IX. LIBRO III.

ODE IV. LIBRO II.

Pietro Bussolin

Ventiquattro Odi Scelte di Orazio Flacco
tradotte liberamente in verso e dialetto veneziano

ODE XII. LIBRO IV.

1832

Edission original:	Bartolommeo Gamba, Serie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832
Fonte:	Indice:Serie degli scritti impressi in dialetto veneziano.djvu

←  ODE IX. LIBRO III.

Edission e fonte ▼

ODE IV. LIBRO II.  →

Ode XIII. Libro IV.

Audivere, Lyce, dii mea vota, dii
Audivere, Lyce, fis anus, et tamen.

A LICE

Ossia a na so' vechia morosa, ma redòta in sconquàsso, e che no vol esser vechia.

Ah! respiro... la mia suplica
     Tuti i Numi l'à scoltàda,
     Lice, alfin, xè deventada
     4Vechia grima co' fa un can;
Ma, sior sì, che anca decrèpita
     La se crede d'esser bèla,
     E chiazzando da putèla

     8La trà sù col gotesin.
Cantuzzando in trili trèmoli
     La voràve, credo, ancora...
     Eh!... tralàssa in to' malora,
     12Za l'Amor no 'l te vol più.
5astu in dove el gà recapito?
     Da la Chìa, brava cantante,
     Bèla, zovene e galante,
     16Bocolèto damaschin;
Perchè Amor no stà sui roveri
     Che no dà fiori, nè gnente,
     Ma ghe piase star da rente
     20A le piante de zardin;
E tì in vece, ti lo stomeghi
     Co quei negri to dentoni,
     Co quei bianchi spelucòni,
     24E le rape che ti gà.
No val più, per tì, le porpore,
     Nè le perle, nè i diamanti,
     Tute fiabe, tuti impianti
     28Via sparii co la to' età!
Vorìa dir; ma me contàmino.
     Dove xè la to belèzza?
     Dove i sguardi e la freschezza,
     28E quei moti e quel andar?
Dove xè la Lice amabile,
     Dove xèla quèla Lice,
     Che m'à fato un dì felice
     32(Via de Cinara) in amor?
Ma la povera mia Cinara
     Cruda morte l'à robàda,
     E, ti, qua ti xè restàda,
     36Dio sa quando! per morir!

Ma capìsso, e me l'imàgino
     Ch'el destin te gà volesto
     Lassar viva anca sto resto
     40Sol per farte sbufonar;
A ciò che per strada i zoveni
     Co i ti vede in chiazzo, i diga:
     “Vardè là la vechia striga,
     44La gran Venere de un dì!”
Povereta! la to' fiàcola
     No la pòl star più impizzada,
     L'è depòsta, deventada
     48Come un stizzo consumà.