Ventiquattro Odi Scelte di Orazio Flacco/01

by Pietro Bussolin

ODE IX. LIBRO III. AL LETTORE

ODE XII. LIBRO IV.

Pietro Bussolin

Ventiquattro Odi Scelte di Orazio Flacco
tradotte liberamente in verso e dialetto veneziano

ODE IX. LIBRO III.

1832

Edission original:	Bartolommeo Gamba, Serie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832
Fonte:	Indice:Serie degli scritti impressi in dialetto veneziano.djvu

←  AL LETTORE

Edission e fonte ▼

ODE XII. LIBRO IV.  →

Ode IX. Libro III.

“Donec gratus eram tibi
Nec quisquam potior brachia candidae.”

Un duetin amoroso tra Orazio e
Lidia per far pase.

Orazio. Fin che caro a ti so' stà,
     Nè su i brazzi d'altri amanti
     La to' testa ti à puzà,
     No podeva andarme avanti
     5De la Persia, gnanca el rè.
Lidia. Quanto còto inamorà
     Lidia sola te piasèva,
     Nè de Clòe ti à mai parlà,
     D'esser Ilia me parèva,¹
     10E qual cossa anca de più.
Orazio. Ma!... la Clòe me gà incantà
     Co i so' versi e l'armonìa,
     E so' tanto trasportà,
     Che a morir nò temerìa
     15Per salvarla dal morir.
Lidia. Càlai sempre svisserà
     Quanto mi, me xè stà fido,
     E, do' volte (se, se dà)
     Morirìa, zuro a Cupido,
     20Purchè vivo el stasse lù.
Orazio. Ma, se ancora renovà

     La Dea Venere bramasse
     Sto amor vèchio, e più ligà?
     E Clòe bionda la scartasse
     25Per far Lidia trïônfar,
          Cossa, alora, nassarìa?
          Me lo pùstu, cara, dir?
Lidia. Ah!... quantunque tuti sà
     Quanto bèlo Càlai sia,
     30E che tì, ti è sempre stà,
     Più lezier d'una scarpìa,
     Borascoso più del mar,
          Nonostante, sì, vorìa,
          Con ti vivere e morir.

---

Note a cura de l'autor

1. Ilia, giera la mare de Romolo, fia de Numitore, dona famosa, da cartèlo, in quei tempi.