Vardè, ch'un Frate d'una compagnìa

Da Wikisource
Salta a ła navigasion Salta a ła riserca
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 97 modifica]
SIMILE.


SONETTO


Vardè, ch'un Frate d'una compagnìa,
    Ch'hà fatto 'na moral piena d'errori,
    Ch'un Molina gà bù tra i primi autori,
    4Ch'hà fatto quella bella Teologìa;

Un Sanchez, ch'hà trattà con albasìa
    Tutto quel, che puol far i fottidori,
    Un Benzi, ch'hà insegnà quei sporchi amori,
    8E i tatti mammilari in Sacrestìa,

Un Frate, digo, d'una religion,
    Che 'l peccà filosofico hà inventà.
    11Che permette svelar la confession,

Che dise, ch'anca un Re xe ben mazzà,
    Che vuol, ch'i servi robba al so paron,
    14Lù dei me versi s'hà scandalezà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Vardè,_ch%27un_Frate_d%27una_compagnìa&oldid=46504"