Un sogno (Giovanni Pozzobon)

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

[p. 137 modifica]

UN SOGNO


Cara Catina mia, son insognà
     Una cossa che a dirla me vergogno,
     Son insognà (ma al fin l'è sta po un sogno)
     4Che mi con vu me gera maridà.

Ma l'uno e l'altro gera desparà
     Per aver fato sto grosso codogno.
     Da una banda gavevimo el bisogno,
     8E da quel'altra la necessità.

Scontenti, malinconici, afamai,
     Ogni dì sempre più l'andava mal;
     11Mocolavimo come renegai.

E senza bezzi e senza capital,
     Pieni de cuche, de miserie e guai
     14Alfin semo redoti a l'ospeal.
                    Se sto sogno bestial
     El se verificasse, che nol so,
     17Starassimo pur freschi tuti do!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Un_sogno_(Giovanni_Pozzobon)&oldid=47966"