Ultimo de carneval

by Berto Barbarani

4 4. Ultimo de carneval I sogni Libro I.° — I SOGNI 3. La morte del botegar Intermezzo: I SBUSA NEVE — I-X Berto Barbarani 1920 XX Poesie veronese

Indice:I sogni.djvu

Berto Barbarani ―  I sogni  ―  Libro I.° — I SOGNI

4. Ultimo de carneval

1920

Edission original:	Berto Barbarani, I sogni, 3° Canzoniere, Verona, Mondadori, 1922
Fonte:	Indice:I sogni.djvu

←  3. La morte del botegar

Edission e fonte ▼

Intermezzo: I SBUSA NEVE — I-X  →

ULTIMO DE CARNEVAL

(1920).

NOTA

 A Verona le cavalchine «veglioni popolareschi» mascherati si tenevano ordinariamente al Teatro Ristori. — La più scapigliata di tutte era quella dell'ultimo di Carnevale.

ULTIMO DE CARNEVAL

— Sì, stavolta l'è la sera,
che me gusto fogo e fiame
al camin de lasta¹ nera,
co le mensole de rame...

5El respiro de i me veci,
fa la pana² sora i speci!...

Son qua solo; che i compagni
j è scapadi a cavalchina:
bali e orgie!... Bei afari
10par star mal diman matina —

Mi g'ò a çena, se el se gode,
el sior «Angelo custode»!

Caregòni,³ tòle⁴ e armâri
va a cambiarse in vento e piova,
15tra un bordel de s-ginse⁵ e sbari,
par dar posto a roba nova...

Quela vecia o fora d'uso,
no la vendo, ma la bruso!

Se fa tardi! — Oh, Dio volesse
20che se perda par ste cale
una dama co le tresse
spampanade⁶ su le spale

e la carne bianca e fina,
come un saco de farina!...

25Va ben legna — Va ben fogo,
ma l'amor g'à ì so pastissi...
Sì, sta note me la togo:⁷
oci grandi e tanti rissi;

biondi i rissi e grandi i oci,
30da cunarla sui zenoci...!

— Din! Din! — Ciò; quà se maùra
el castel dei desideri...
Eco calda n'aventura,
de delissie e de misteri...

35Angelin, scapa in cusina,
che gh'è quà 'na mascarina!

Fermi! — l'angelo risponde
co la spada ne la sporta —
Lassa andar le vagabonde
40sta distante da la porta,

se de no te savarè,⁸
quela màscara ci l'è!

— Bandi ai scrupoli! Signora,
complimenti! — E come mai
45una visita a sta ora,
che no gira più el tranvai?

E ci èrelo quel mago,
che g'à dito dove stago?

— Verzi⁹ amor, che son la ruda
50de la sorte, che te vol;
verzi, belo, che son nuda
drento un drapo de ninsol;

nuda e quà par amor tuo,
con sto gelo così cruo...

55— No scoltarla, parla basso —
salta su la sentinela:
daghe un piè de cadenasso
e un supion¹⁰ su la candela,

se de no te savarè,
60la fortuna dove l'è...!

— Presto, aiuto, che gh'è gente,
che vien su coi fulminanti...¹¹
Che maniera sconveniente!
Gnanca in meso a dei briganti;

65piantar quà come un pignol,¹²
una dama e el so ninsol!?

— Meti via! No darghe bada —
torna a dir la sentinela —
para¹³ via sta svergognada
70col so stràpego¹⁴ de tela;

se de no te savarè,
quela màscara ci l'è!...

— Brava, adesso, che son chieto,
m'è andà via tuta la voia,
75tanto più che g'ò el difeto
de tremar come una foia...

E davanti a sta rason,
no se incontra relassion!

L'è andà via sensa modestia,
80col ninsol soto le assèle
rispondendome: Che bestia!
L' era un osso sensa pele;

la vedeva far le bave,
for dal buso de la ciave!

85Ma el me angelo despiega
gentilmente le so ale,
mi vao in brasso a 'na carèga,
lu el fa un giro par le scale,

pò el vien su co un bruto afar,
90un gran fero da segar...¹⁵

La matina a drio, el tinel
l'era gelido, insendrado,¹⁶
ma el cordon del campanel
el pareva sfilaciado...

95Le campane in paradiso,
le sonava el primo aviso!

---

Note a cura de l'autor

1. lasta: lastra
2. pana: nebbia dello specchio
3. caregòni: seggioloni
4. tòle: tavole
5. s-grinse: scintille
6. spampanade: ondeggianti
7. togo: prendo
8. savarè: saprai
9. verzi: apri
10. supion: soffio
11. fulminanti: zolfanelli
12. pignol: pinocchio
13. para: caccia
14. stràpego: strascico
15. fero da segar: la falce
16. insendrado: sporco di cenere