Pagina:I sogni.djvu/55

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



25Va ben legna — Va ben fogo,
ma l'amor g'à ì so pastissi...
Sì, sta note me la togo:1
oci grandi e tanti rissi;

biondi i rissi e grandi i oci,
30da cunarla sui zenoci...!

— Din! Din! — Ciò; quà se maùra
el castel dei desideri...
Eco calda n'aventura,
de delissie e de misteri...

35Angelin, scapa in cusina,
che gh'è quà 'na mascarina!

Fermi! — l'angelo risponde
co la spada ne la sporta —
Lassa andar le vagabonde
40sta distante da la porta,

se de no te savarè,2
quela màscara ci l'è!

  1. togo: prendo
  2. savarè: saprai
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:I_sogni.djvu/55&oldid=66670"