Pagina:I sogni.djvu/56

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



— Bandi ai scrupoli! Signora,
complimenti! — E come mai
45una visita a sta ora,
che no gira più el tranvai?

E ci èrelo quel mago,
che g'à dito dove stago?

— Verzi1 amor, che son la ruda
50de la sorte, che te vol;
verzi, belo, che son nuda
drento un drapo de ninsol;

nuda e quà par amor tuo,
con sto gelo così cruo...

55— No scoltarla, parla basso —
salta su la sentinela:
daghe un piè de cadenasso
e un supion2 su la candela,

se de no te savarè,
60la fortuna dove l'è...!

  1. verzi: apri
  2. supion: soffio
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:I_sogni.djvu/56&oldid=66671"