Tutti i mie amori alfin conclude in berte

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Tutti i mie amori alfin conclude in berte (Sonetto III)
XVI secolo

 Edission original:   

Maffio Venier. Canzoni e sonetti.
A cura di Attilio Carminati, Manlio Cortelazzo, Tiziana Agostini Nordio
Venezia, Corbo e Fiore, 1993

 Fonte:

http://www.bibliotecaitaliana.it/testo/bibit001236

←  Sonetto II. Co ti ha qualche vestura strafozà Edission e fonte ▼ Sonetto IV. Potta, chi havesse ditto che un par mio  →

Tutti i mie amori alfin conclude in berte,
Per muarme de dona in dì per dì,
Né mai fin qua me son dogiù de certe,
Ma in fatti una fra tutte me ha chiavì.

Parse che una a favori, a mille offerte,
Se fosse mezza impatronìa de mi.
Co visti certe cose sì scoverte,
No me podé po all'hora tegnir pi.

Ghe domandì comoditae secreta
Più per creanza che per voluntà,
Mo el ziogo no finì che hebbi la stretta.

Che assai sfazadamente fu affrontà,
Mi bandìo, mi scolaro e mi poeta,
Da una vecchia, una orchessa, un'amorbà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Tutti_i_mie_amori_alfin_conclude_in_berte&oldid=43010"