Su i bancheti de Santa Lussia
|
Edission original: |
Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911 |
|
Fonte: |
| ← Nina nana | Edission e fonte ▼ | I regai de Santa Lussia → |
Sora i banchi de sta santa
gh'è beline1 par dispeto:
Gh'è i sioloti che i te canta,
4fati a forma de galeto.
Gh'è 'na bela carioleta
e 'na spada da ufissial....
— El me cambia sta trombeta
8che la sona così mal! —
Gh'è 'na tromba che fa 'l ciasso,
su la boca de un putel....
— Che sussuro, che fracasso,
12con quel toco de cortel! —
Pignatine e raminete,
tuta roba a bon marcà...
— Se sta siora la parmete,
16de tirarse un poco in là! —
Scaldaleti picinini,
col so mànego2 de fero...
— El ghe toga3 a i so putini
20sto zugatolo de vero!4 —
— Èlo mato!... Se ghe togo
sto zugatolo che quà,
i lo sgnaca5 par el logo6
24e l'è belo che rangià!7
Gira intorno a sti bancheti
tante vósse:8 «Cosa vuto?»
L'è 'n afar de puteleti,
28che i voria cromparse tuto.
Un mostricio,9 che, par caso,
l'era suto de scarsela,10
l'à spetà che i volta el naso
32per robar 'na campanela.
De ― ren ― den... Ci l'è che sona?
L'è un putel co' na campana.
Santa Lussia l'è 'na dona,
36che la vol menarlo in nana.11
De ― ren ― don... L'è Santa Lussia
che l'è sconta soto al leto...
ghe dirò che 'l fredo el crussia
40che la porta un scaldaleto.
- Note