Nina nana
|
Edission original: |
Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911 |
|
Fonte: |
| ← In cesa verso sera | Edission e fonte ▼ | Su i bancheti de Santa Lussia → |
Nina nana
La nina nana te canto, putina;
sèra1 i oceti, che a rente2 te son;
quà su sta cuna, da sera a matina,
ghe sgola sempre 'na bela canson.
Le passarine quà zo le se inchina,
par darte i basi, che mi de scondon,3
buto par aria su quela facina,
che incipria i merli de sto foreton.
La nina nana, putina. te canto;
sgola i pensieri e i se posa s'un fior,
su quel fioreto che sta par incanto,
fra le so piume e fra meso al me cor;
se quei oceti i se buta nel pianto,
sta nina nana, la perde el color.
- Note