Gira intorno a sti bancheti
tante vósse:[1] «Cosa vuto?»
L'è 'n afar de puteleti,
28che i voria cromparse tuto.
Un mostricio,[2] che, par caso,
l'era suto de scarsela,[3]
l'à spetà che i volta el naso
32per robar 'na campanela.
De ― ren ― den... Ci l'è che sona?
L'è un putel co' na campana.
Santa Lussia l'è 'na dona,
36che la vol menarlo in nana.[4]
De ― ren ― don... L'è Santa Lussia
che l'è sconta soto al leto...
ghe dirò che 'l fredo el crussia
40che la porta un scaldaleto.
