Storia tratta da Plutarco (1817)

by Angelo Maria Barbaro

3 Storia tratta da Plutarco Angelo Maria Barbaro XVIII Soneti Indice:Collezione delle migliori opere scritte in dialetto veneziano 11.djvu Altra edizion: Storia tratta da Plutarco (1845)

Angelo Maria Barbaro

Storia tratta da Plutarco

XVIII secolo

Edission original:	Collezione delle migliori opere scritte in dialetto veneziano, Volume undecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 11.djvu

Edission e fonte ▼

Altra edizion: Storia tratta da Plutarco (1845)

STORIA TRATTA DA PLUTARCO.

Sta matina mi ò leto
     Sul celebre Plutarco
     Una cosa che vedo
     Imitada in gran parte
     5Sul stato de S. Marco.
     Lu dise, che Caton,
     Omo severo, Senator giustissimo,
     À imprestà la mugier publicamente
     Al Senator Ortensio, el qual smaniava
     10De aver fioli da un fonte
     Degno de la Republica Romana,
     De aver dei Fabii, dei Scipioni, e Regoli,
     E no, come tra nu, certi petegoli.
     Da qualche tempo in qua
     15In parte s'à introdoto
     Sto esempio in stà Cità.
     Se fa de le imprestanze,
     O piutosto dei stochi e de le usure,
     Perchè po' i fioli resta, o tristi, o boni
     20Ai Siori Ortensi no, bensì ai Catoni.