Sora un ponte, de note

by Giovanni Ceriotto

3 Sora un ponte, de note Poesie veronesi L'Adese calmo La strassarola Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

Sora un ponte, de note

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  L'Adese calmo

Edission e fonte ▼

La strassarola  →

Sora un ponte, de note

     No se sente sigar¹ quel da i giornai,
gnanca quel da i biscoti o da i cerini,
gnanca quelo che vende i bicerini,
piati, terine, calici e bocai;

roba che dura e no se rompe mai,
zugatoli de stagno e soldadini;
no se sente sigar gnanca i putini,
che i vol la bala, el sercolo, el tranvai.

Tuto tase! Ma l'Adese el camina
drio le so rive sempre sbisegando,
fin che l'aria se fa più fresca e fina;

     e intanto che i fanai drento i se specia,
come 'na vosse che te va parlando,
el par che 'l porta le rosarie in recia.

---

Note

1. sigar: ― gridare.