La strassarola
|
Edission original: |
Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911 |
|
Fonte: |
| ← Sora un ponte, de note | Edission e fonte ▼ | La piassarota → |
Col saco in pingolon zo par la vita,
fato su co i retaj1 de un stramasso;2
co un'aria rassegnà e la testa drita
4e 'na cotola3 intorno da strapasso;
co i brassi4 longhi e mori, trati fora
da un toco de corpeto, che 'l ghe lassa
el còl scolado pèso5 de 'na siora
8e un brufolo tacà su 'na ganassa;6
crompando in volta strasse, veri e carte,
da la matina a i boti de la sera;
co un ocio rebaltado da 'na parte,
12passa la strassarola a piè par tera.7
Passa 'na dona che no guarda in facia,
che g'à l'anima piena de pastissi,
e tuti quanti i me la fa 'na macia,
16'na dona mata che g'à tanti vissi.
Ma el saco che 'l conosse qualche storia
de quele spale che 'l ghe monta in gropa,
secondo lu el voria portarla in gloria,
20se anca da un ocio l'è restada sopa.
Un giorno che l'ò visto cassà in tera,
desmentegado in t'un canton de strasse,
forsi parchè g'ò fato bruta siera,
24m'à parso a mi, m'à parso che 'l parlasse:
«Sarà quatr'ani, sior, che in t'un logheto,
mi ghe faseva alora da stramasso,
par la me dona che l'andava in leto,
28co un omo sassinado e sempre a spasso.
L'è durada così par pochi mesi,
che i s'à voludo ben come putini,
ma i bessi, caro mio, che andava spesi,
32vedeva mi che i era pochetini;
e la miseria la g'à messo un ciodo,
in quel logheto, sior, la s'à cassà,
che un giorno, mi no so, no so in che modo,
36g'ò ancora el gropo in gola, i s'à lassà!
La m'è vegnuda a casa a mesa note,
a piansar, povareta, a sospirar,
co un ocio storto e co le spale rote,
40da le bote8 che i g'à voludo dar.
- Note