Sonetti fatti adesso da nevo da un de Sottoriva
|
Edission original: |
Giovanni Fratta, Sonetti fatti adesso da nevo da un de Sottoriva, Verona, Girolamo Discepolo, 1589 |
|
Fonte: |
| Edission e fonte ▼ |
SONETTI
FATTI ADESSO DA NEVO
DA UN DE SOTTORIVA
E indrizze al Magnifico e Lustro Sig. Conte
Bailardin Nogarola.
IN VERONA,
Appresso Girolamo Discepolo,
M D L X X X I X.
AL MOLTO MAGNIFICO
E LUSTRO SIGNORO
EL SIG. CONTE BAILARDIN
NOGAROLA.
L'è costumo, Mag. Signoro, e si è consa c'hà del bon, che quando un galant'homo metto in luso un so humoro, el lo indrizza a qualche so amigo, ò patron, azzo che sotto el so lomo el sia defeso da g'invidiosi, che giè a ponto con le so lengue tanti schioppi, e spontoni, che dà in ti fianchi de i fadighè vertuosi; e perche ancha mi ho habbu anemo de far scudo, e bastion a sti me versi, pi volte me son anda pensanto sotto qual lomo i disesso far comparero: de tal sorto, che de tanti me Signori e patroni, a i quali ghe son affettionà servidoro, m'è sempro sta fitto in la fantasia V. S. Lust. alla quala dedico dapara co'l chero sta mia bassa fadiga. Da una banda no m'aldegava a far presento sì da peco a un tanto Signoro, respetto che l'è degno de suggetti pi sustantievoli, che n'è 'l me: dall'altra po ho pensà, che donde amanchesso el licoro del me pizzolo inzegno per impiro el gran brento da i meriti de V. S. Lustr. le con la so benignità supplirao fin su de sora dalla brocca; doncha sotto el lomo de quella vegna in luso allegramente sta mia opera, la quala, se ben l'è fatta, con ho ditto, così via la, alla carlona, la prego a guardar pi tosto alla sencerità dell'anemo, e alla bona volentà de chi ghe la presenta, che alla qualità del presento.
Se pos qualconsa, stago sottoriva
Permezo a quei che fà la sgolaiva.
