Son tanto innamorà d'una ragazza
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Senti, Nina, sta notte m'hò insognà | Edission e fonte ▼ | Son tutto de fuogo → |
Son tanto innamorà d'una ragazza,
Che ghe darìa le viscere, e anca el cuor,
A segno tal me xe cressù l'amor,
4Che me renegarìa per sta bardazza
Come un'occa, che in acqua se sbabazza,
Mi me sbabazzarave in quell'umor,
Che ghe vien dalla Mona, e in tel odor
8Del so cul, co la fasse una smeggiazza.
Per tutto ghe vorrìa metter le man,
E tanta xe la voggia, che me sento,
11Che ghe la licarave, come un can.
Sentì cosa, che digo, e no me pento;
Mi me contentarave in fin doman
14Tegnirghe in Mona tutto 'l muso drento.