Serenada alla moglie d'un cornuo

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Serenada alla moglie d'un cornuo
XVII secolo
Edission e fonte ▼

No vorrave, ben mio,
che quel vostro marìo
per darghe sol del Becco se sdegnasse,
ma, che’l se preparasse
5d’andar co i Becchi in resta,
e far corazo, ove l’ho fatto testa.
El no sa sto furfante
per esser si ignorante
quel che vogia dir Becco, e si el va in furia
10tegnendol per inzuria,
se al’istesso partìo,
el fu becco Vulcan, qual era un Fio.
El me ten pur frappado
con dir, che l’è honorado,
15perché el vien de nation Cavalleresca,
e mi che no voi tresca
zò, ch’el fia Cavaliero,
a si gran buffa ghò messo el cimiero.
Se vede ben infatto,
20che l’hà opinion da matto
a dir che mi l’habbia dishonorado,
e no sa el desgratiado,
che accrescendo el decoro
l’honor xe piombo a chi ha le corna d’oro.
25El tiol el ben per mal
sta zucca senza sal
senza capir che con el mio pennello
l’è deventà più bello;
che a darghe la vernise
30ho messo una figura in do cornise.
Diseghe donca in tanto,
ch’el tempra l’ira alquanto,
e col sente dir Becco,
ch’el segonda, e per Becco responda
35senza tiorse molestia
perché l’harìa del Becco, e de la bestia.