Sentìo che tute al campo za scavezze

by Gian Giacomo Mazzolà

3 XC I cavei de Nina LXXXIX XCI Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XC

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXXXIX

Edission e fonte ▼

XCI  →

XC

Sentìo che tute al campo za scavezze
     Gera dei archi le corde, o rosegà,
     Nè i marii sgiaventar podea più frezze
     4Per salvar la Romana libertà;

Senza riguardi a dessipar belezze,
     Le mugier generose, desperà,
     Tute zo intiere s'à tosà le Drezze,
     8E in pe de corde le ghe l'à mandà.

De quele Drezze è stà tuta la gloria,
     Tuta prodezza, e tuta vertù soa
     11Se i Romani à cantà quela vitoria.

E se anca Nina l'arco al Dio d'Amor
     No la gavesse armà co la so Coa,
     14Fursi de mi no 'l gera vincitor.