Se manco mal al mondo ti vol star
|
Edission original: | |
|
Fonte: |
| ← So stà soldà, e gò fato el mio dover | Edission e fonte ▼ | Un zorno se lagnava un barcariol → |
Se manco mal al mondo ti vol star,
Impara quatro cosse, e gnente più,
Da mi che, arente del saver vogar,
4In pratica del mondo son vegnù.
Tiò sempre legne vechie da brusar,
E legne verde no butar mai sù;
Lezi dei libri vechi, e lassa andar
8Tanti moderni fiori de vertù.
No digo che ti bevi tropo vin;
Ma có ti gà de vin necessità,
11Bevi sempre del bon vechio corbin.
Strensi de amici vechi società,
Ascoltili, e, co tuto el só morbin,
14Manda i zoveni a star de là de Strà.