Un zorno se lagnava un barcariol

Da Wikisource
EPUB   MOBI   PDF   RTF   TXT
Qualità del testo: sto testo el xe stà trascrito e rileto.
[p. 9 modifica]

Un zorno se lagnava un barcariol,
    Con un altro più vechio, del destin;
    E el ghe zurava da povero fiol,
    4Che el vorave esser morto da bambin.
E respondeva el vechio: Có se tiol
    Tuto al pezo, se fà un cativo fin:
    Filosofia, filosofia ghe vol;
    8No ghe xè omo che no sia meschin.
Tuto quel che dixè vero sarà,
    Replicava el più zovene; ma el dir
    11No xè remedio per un desperà.
Sì, dise st'altro, quando el fa capir
    Che xè cussì per l'omo decretà:
    14Nasser, soffrir, far nasser e morir.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Un_zorno_se_lagnava_un_barcariol&oldid=47967"