Rispondime ti!
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← El Redentor moderno! | Edission e fonte ▼ | Fiori de campo → |
Co te vedo pusada su la sabia,
o su l'onda de l'aqua adrio a nuar,
el mio cuor, mi no so cossa ch'el gabia,
4me lo sento qua drento a spissegar...
Che sia forse quei oci benedeti,
quei ocioni çelesti come el mar,
quei oci berechini, sempre inquieti
8che par sempre che i gabia da scampar?...
O che sia quei cavei biondi, da fata,
quei cavei che me fa de ti sognar,
che sia quei che la testa come mata
12me fa, co ti me parli, diventar?...
Zò, rispondime ti co una parola,
spieghime ti cossa che xe sto afar:
no gh'esiste a sto mondo che ti sola,
16che ti sola che possa indovinar...
Co te vedo pusada su la sabia,
o su l'onda de l'aqua adrio a nuar,
el mio cuor, mi no so cossa ch'el gabia,
20me lo sento quà drento a spissegar...