Fiori de campo
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← Rispondime ti! | Edission e fonte ▼ | Salve Bassan!!! → |
Là... fra l'erba dei campi e in mezo ai fiori,
co' la cotola curta e 'l capelon,
co' quei cavei, co' quei ocioni mori,
4de sti monti ti xe l'amirazion....
Co ti canti, simpatica montana,
co 'l bel viso rivolto verso el sol,
se perde la to vose ben lontana,
8zo ne la vale e fin in çima al col....
Le xe canzon de amori, benedeta,
quele che go sentio da ti cantar,
canzon de amori tristi, povareta,
12che forse t'avarà fato penar!...
Te bruza el sol! ma ti xe sempre bela,
co' quei lavreti rossi fà el coral:
anca co 'l sol ti restarà la stela,
16la stela più slusente de la val...
Là... fra l'erba dei campi e in mezo ai fiori,
co' la cotola curta e 'l capelon,
co' quei cavei co quei ocioni mori,
20de sti monti ti xe l'amirazion!