Riflessibil xe molto la condotta
|
Edission original: |
Giorgio Baffo, Poesie. A cura di Piero Del Negro. Mondadori, 1991 |
|
Fonte: |
Testo cartaceo |
| Edission e fonte ▼ |
Riflessibil xe molto la condotta,
Che tien i mi avversari, i quai se sforza
Con rason false dar vigor, e forza
4Ai so argomenti contro della potta.
Certamente convien, che mai no i fotta,
E che tutto el so cul mai no ghe sforza,
Cussì più franchi el dir elli rinforza,
8Ed ultronei supporti elli ve adotta.
Ma in massima de lezze, e de rason
Ve mostrerò el contrario, e ve dirò,
11Che repugna natura, e religion.
Dirò che per la potta el mondo ha moto,
Che senza questa a el caos torna, dirò,
14E che ubbidisso Dio, quando mi foto.