Quel da le paste

by Vittorio Vitturi

3 Quel da le paste Strade e vicoli In piassa de le Erbe A st'altra Vittorio Vitturi 1907 XX Soneti veronese

Indice:Strade e vicoli.djvu

Vittorio Vitturi ―  Strade e vicoli

Quel da le paste

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  In piassa de le Erbe

Edission e fonte ▼

A st'altra  →

QUEL DA LE PASTE

(De trabalòn da l’osto)

     — Paste dolci... amareti,.. crocantini...
— Eh, da la çesta?
                         — A pian, a pian, son qua.
— Gh'etu el sacheto?¹
                                   — Se ghe l’ò? Se sa
— Ocio che vien la negra...²
                                             — Pòarini...

     No g'ò päura, mi, de i quisturini!...
— Ma se i dise che ieri i t’à restà
Ti e la to çesta in meso de la Brà?
Quanti ghe n’etu in corpo de i quintini?

     ― Quanti che de voi mi, mal no de fago...
Son galantomo... viva la ’narchia...
— Tasi, macaco, che te si imbriago!

     — Vuto ciapar la gesta in te la crapa?³
Mi son in bona con la polissia...
Viva el Re, viva Feri, e viva el Papa!

---

Note

1. [p. 100]Sacheto: il piccolo sacco contenente i numeri della tombola
2. [p. 100]la negra: le guardie di città
3. [p. 100]crapa: testa.