A st'altra
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← Quel da le paste | Edission e fonte ▼ | Davanti un'ostaria → |
A ST'ALTRA...
«Se i è tute fandonie de sti preti...
«No gh’è bisogno che nissun ne frena:
«Ste rosarie1 i è bone a malapena
«Par i pori pitochi e i puteleti!»
Passa de i mesi e passa de i aneti
E l'è malà che a vèdarlo el fa pena:
Longo desteso in leto su la schena,
In poco tempo el tirarà i sgherleti.2
A sto pensier ghe vien la tremarèla
E: «Andè, corì, ciamème un confessor,
Che a morir da cristian l’è la più bela!»
To’ ch’el guarisse!... Ma no el perde l’uso,
E se el sentisse ancò un predicator,
Ste pur sicuri che el ghe ride in muso!
- Note