Putte, zà, che sè bone
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Anca st'anno della Sensa | Edission e fonte ▼ | Una putta hò tentà con arte, e bezzi → |
Putte, zà, che sè bone,
No ve menè le Mone,
Ma feve ben chiavar.
Quando, che la ve tira,
5Tiolelo drento tutto
El Cazzo d'un bel Putto,
E felo ben fracar.
Troveve un bon Osello,
Ma che 'l sìa longo, e bello,
10E grosso in quantità.
Menè, co 'l gavè drento
Un pochettin el Culo,
Che l'è 'l più bel trastulo,
Che s'abbia mai provà.
15Lasseve pizzegar
Fin, che 'l sentì a sborar,
E che 'l sentì a star sù.
Co un bon Osel ve fotte
Provè un gran gusto allora,
20Che l'Anema ve sbora
Fin, che no podè più.
Se 'l fusse grosso troppo,
E che 'l ve dasse intoppo
Da farve desperar,
25Slarghè, ma ben le gambe;
Chiappelo colle man
Fin, che sentì a pian pian
La Mona a lagremar.
Se la ve pizza più
30Ve farè montar sù
Da un bravo Fottidor.
Podè farve chiavar
Col gusto del Schiavon,
Che l'è un piaser baron,
35Che fà sborar el cuor.
Mi el fotter a passin
L'è un gusto soprafin,
E de bella invenzion.
Gavè tante maniere
40De farve ben chiavar,
Che voggio tralassar
De darve più lezion.