Puttana buzarona! Più no posso
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Xe stà causa Tonina | Edission e fonte ▼ | Oimè! No posso più, mi gò un gran mal → |
Puttana buzarona! Più no posso
Darme trastulo alcun, nè alcun solazzo,
Più no posso chiavar, che hò marzo 'l Cazzo,
4E colmo appien de mal Francese ogn'osso;
L'Osello gò, come un Somaro, grosso,
Sulle Potte no voi più far strapazzo,
In Culo per adesso più no sguazzo,
8Quando nol fusse largo, come un fosso.
Co quattro porrifighi in la Cappella,
Co 'na panocchia, e un verde scolamento
11Me son redotto nell'età più bella.
No voggio più chiavar co sto istromento,
Hò in Cul la Potta, e hò in Cul chi fà per ella;
14Zà, che no posso in Potta andar più drento.