Xe stà causa Tonina
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Mondo beccofottù, buzaradazzo | Edission e fonte ▼ | Puttana buzarona! Più no posso → |
Xe stà causa Tonina,
Che sento sto brusor,
E questo è un gran dolor,
4Ch'abbasso sento.
Pianze mio fradello,
El pianze, e nol par quello
D'esser stà regalà
8D'un scolamento.
Per causa de stà Donna
Me vedo tormentà,
Per mi no ghè pietà,
12Che me consola.
Sol tiogo polverette,
Siroppi a scudellette,
E pò mi bramo sempre
16Che 'l stìa molà;
E quando, che 'l me tira,
Mel chiappo sempre in man;
E 'l tegno, come un can
20Ligà a caena.
Fazzo fuora i paveri
Contro 'l mio natural;
La Potta è sta 'l mio mal
24Me dà la morte.
Me xe vegnù i cogioni
Do balle de cannoni;
Maledetto destin
28Contro mia sorte.
Se sugo sta liscìa
Me saverò tegnier,
Certo voi tior Mugier
32Fuora d'intrigo.
Ma, se la sarà bella,
El caval del Gonella
Me la farà servir
36Un qualche amigo.