Protesta di Amore

by Maffio Venier

3 Protesta di Amore Maffio Venier XVI Soneti Indice:Poeti antichi del dialetto veneziano 2.djvu Altra edizion: V'amo, fia, quanto posso, e si no v'amo (1993)

Maffio Venier

Protesta di Amore

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: V'amo, fia, quanto posso, e si no v'amo (1993)

PROTESTA DI AMORE

V'amo, fia, quanto posso, epur no v'amo
     Con tuto questo quanto che vorìa;
     E no posso dover co' doverla,
     Che a quel che vu se' degna, ve disamo.

Mo chi no vorìa amar misero e gramo
     Quanto che pol bramar la fantasìa?
     M'à sì possù sta ardente vogia mia
     Che poi pi'l meritar, che quel che bramo.

I meriti che avè va sora el Cielo,
     E se ghe molo drio sta vogia grama
     La par un calalin drio d'un stornelo.

Possio restar però che mi no v'ama?
     Anzi, cuor mio, per mio mazor flagelo
     Quanto è manco 'l poder cresse la fiama.