Per Sposalizio (1817)

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Giovanni Pozzobon

Per Sposalizio

XVIII secolo

Edission original:	Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 12.djvu

Edission e fonte ▼

[p. 43 modifica]

PER SPOSALIZIO

Diga pur chi vol dir, che 'l sia un intrigo
     El maridarse, che, a schieto parlarve,
     Legiadra Zentildona, mì ve digo,
     4Che otimamente ben fè a maridarve;

Anzi ve lodo, anzi ve benedigo;
     E se podesse vorìa imortalarve;
     (Compatì l'espression) parlo da amigo,
     8Spero che no avarè grama a chiamarve;

E se mi no me son mai maridà,
     Più d'una volta à portà el caso, che
     11Del minchion per la testa me son dà.

È vero che nel matrimonio gh'è
     Contese, desunion, contrarietà,
     14Ma tute schiopetade alfin no l'è;
                    E po lo vedarè
Col fato vu, che a deventar Consorte
     17Se ghe ne prova un poco d'ogni sorte.