PER SPOSALIZIO
Diga pur chi vol dir, che 'l sia un intrigo
El maridarse, che, a schieto parlarve,
Legiadra Zentildona, mì ve digo,
4Che otimamente ben fè a maridarve;
Anzi ve lodo, anzi ve benedigo;
E se podesse vorìa imortalarve;
(Compatì l'espression) parlo da amigo,
8Spero che no avarè grama a chiamarve;
E se mi no me son mai maridà,
Più d'una volta à portà el caso, che
11Del minchion per la testa me son dà.
È vero che nel matrimonio gh'è
Contese, desunion, contrarietà,
14Ma tute schiopetade alfin no l'è;
E po lo vedarè
Col fato vu, che a deventar Consorte
17Se ghe ne prova un poco d'ogni sorte.
