Pentio d'aver incauto (1817)

by Giovanni Battista Bada

3 Canzonetta Giovanni Battista Bada XIX Canzonete

Indice:Collezione delle migliori opere scritte in dialetto veneziano 12.djvu

Giovanni Battista Bada

Canzonetta

XIX secolo

Edission original:	Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 12.djvu

Edission e fonte ▼

VIII. CANZONETTA

Pentio d'aver incauto
     Abandonà el to amor,
     Mi me sentiva a struzer
     4Da smania, da dolor;
E me credea, tornandote
     El cuor a tributar,
     D'aver la quiete a l'anema
     8Ancora da tornar,
Ma invece son più misero
     De quel che gera in prima;
     Più no me posso iluder,
     12De mì no ti fa stima;
No trovo quel sensibile
     Che pur ti vanti in tì,
     El mio servir xe inutile,
     16No gh'è pietà per mi;
E sol ti godi a vederme
     Cascà come un cocal,
     A sospirar, a pianzer
     20El mio destin fatal.
D'un cuor, che pur xe docile,
     Volesto ti à trionfar,
     E renderlo ridicolo
     24Del proprio so' penar.

Ti me vol dar da intendere
     Che no ti ga altri amanti,
     Ma no so mato a crederte,
     28Come che gera avanti.
Ti ga, cussì no fussela!
     El caro to' Tonin,
     Che tute l'ore assiduo
     32Te sta sempre vicin.
Lo vedo ch'el te cocola,
     Che ti ghe porti afeto,
     Mi mai te vago a genio,
     36Tratà son per dispeto;
No posso star un atomo
     Con tì da solo a sola,
     Nè senza testimonio
     40Te posso dir parola:
Per elo no te stimola
     Inutili riguardi;
     Per mì è delito massimo
     44Se apena ti me vardi!
Ah Nina, no son semplice,
     Capisso chiaramente:
     Tonin xe el to' bel idolo,
     48Mi son un biltri, un gnente.