VIII. CANZONETTA
Pentio d'aver incauto
Abandonà el to amor,
Mi me sentiva a struzer
4Da smania, da dolor;
E me credea, tornandote
El cuor a tributar,
D'aver la quiete a l'anema
8Ancora da tornar,
Ma invece son più misero
De quel che gera in prima;
Più no me posso iluder,
12De mì no ti fa stima;
No trovo quel sensibile
Che pur ti vanti in tì,
El mio servir xe inutile,
16No gh'è pietà per mi;
E sol ti godi a vederme
Cascà come un cocal,
A sospirar, a pianzer
20El mio destin fatal.
D'un cuor, che pur xe docile,
Volesto ti à trionfar,
E renderlo ridicolo
24Del proprio so' penar.
