Parabosco mio bello, inzucarao
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← E voio tanto ben a quel Muran | Edission e fonte ▼ | Groppo moresco, zanforgna, lumaga → |
Parabosco mio bello, ìnzucarao
Deme un consegio dolce frar, e fio,
Perch'ol cervello un puoco descusio,
Vu ch'have l'intelletto ben fermao.
Me trovo in letto, e son tutto agiazzao
Stago in tel sal, e son tutto dessavio,
Ho pien la panza, e son endebelio,
Rido d'ogn'hora, e'l cuor xe tribulao,
La terra, e'l mar, i fiumi, i monti, e'l cielo
Ma xe contrario; e fina i mie parenti,
E'l pesce sì me scampa del burchielo.
Ho la tosse, buganze, e mal de denti,
E no varda pi in alto el puarelo,
Sì che aiuteme in sti gran accidenti.