Pagina:Rime pescatorie.djvu/28

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Parabosco mio bello, ìnzucarao
     Deme un consegio dolce frar, e fio,
     Perch'ol cervello un puoco descusio,
     Vu ch'have l'intelletto ben fermao.
Me trovo in letto, e son tutto agiazzao
     Stago in tel sal, e son tutto dessavio,
     Ho pien la panza, e son endebelio,
     Rido d'ogn'hora, e'l cuor xe tribulao,
La terra, e'l mar, i fiumi, i monti, e'l cielo
     Ma xe contrario; e fina i mie parenti,
     E'l pesce sì me scampa del burchielo.
Ho la tosse, buganze, e mal de denti,
     E no varda pi in alto el puarelo,
     Sì che aiuteme in sti gran accidenti.

Groppo moresco, zanforgna, lumaga,
     Nassuo d'un lampo, e nudrigao e fumo,
     Babuin revoltao tutto in tun grumo,
     Manego de viola, e d'una daga.
Caragolo che vien dal mar de baga,
     Mona in galoce, ranocchio legumo,
     Folpo, vecchio marin, si ben te sumo,
     Denti de striga, naso d'una maga.
Zeffo da mustazzoni, e pie in tel culo,
     Si te branco fantasma poetessa,
     Te insegnerò a componer da bulo.
Va impara l'A,B,C; fio de una vessa,
     Recchie de porco, mustazzo de mulo,
     Sbotega, vetuperio, margutessa,
                         Inzenerao impressa.
Pedante da mosoni, grua in pantofoli,
     Ch'el te sta ben ch'ogn'un te dia di mocoli.


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/28&oldid=55914"